Нурлатлылар бандероль һәм посылкаларны алу өчен Россия почтасы мобиль кушымтасы аша гаризалар бирә алалар

2020 елның 9 апреле, пәнҗешәмбе

Өйдә утырып та күптән көтеп алынган бандероль һәм посылкаларны алырга мөмкин. 

- 2,5 килограммнан азрак авырлыкта булган посылкаларны почтальоннар заявка буенча өйгә китереп бирәләр. Әгәр посылканың  авырлыгы моннан зуррак икән, ул вакытта адресатка икенче көн дәвамында автомобиль белән илтеп бирәбез, - диде Нурлат районара почтамты начальнигы Рафиз Ногъманов. 

 Бандероль һәм посылка, яки башка почта номенклатурасын китереп бирү өчен гаризаларны мобиль кушымта яки Россия Почтасының  https://www.pochta.ru/ сайты аша юлларга мөмкин.