Нурлат районында сыерның буазмы-юкмы икәнен УЗИ аша беләләр

2020 елның 27 марты, җомга

Заманча технологияләр турында бүген "Аграрий" ОООсы базасында технологлар өчен узган семинарда сөйләделәр. 

Мондый чаралар районда ел саен үткәрелә.  Бу юлы да  ТР Авыл хуҗалыгы һәм азык-төлек министрлыгының нәсел эше буенча бүлек җитәкчесе Рөстәм Сәетовтан гамәли һәм теоритик белем алдылар. 

Семинарда катнашучылар җирле хуҗалыктагы эш тәҗрибәсен дә өйрәнделәр. Биредә районның селекция-нәсел службасы начальнигы Викентий Яманов УЗИ аппаратын тәкъдим итте. УЗИ аппараты ясалма орлыкландыручылар өчен дә бик кирәкле ул, иң кыска вакыт аралыгында ук сыерның буазмы-юкмы икәнен белеп була, эшеңнең нәтиҗәсе күренә.