Нурлатлылар волейбол буенча "Яңа гасыр" республика иҗтимагый хәрәкәте призына ярышларда финалга чыктылар

2020 елның 17 марты, сишәмбе

Бөгелмә шәһәрендә узган "Яңа гасыр" республика иҗтимагый хәрәкәте призына  волейбол буенча зона ярышларында  нурлатлылар быел зур активлык белән катнаштылар. Нәтиҗәләр узган елгыдан яхшырак. Быел ир-атлар һәм хатын-кызлар командалары икенче урыннарны яулап финалга чыктылар. Нурлатлыларга ярышларда катнашу мөмкинлеген иҗтимагый оешманың Нурлат бүлеге һәм район башкарма комитетының яшьләр эшләре һәм спорт бүлеге тудырды.