Нурлатта волейбол буенча район Спартакиадасы җиңүчеләре билгеле булды

2020 елның 2 марты, дүшәмбе

Беренче урынны Иске Чаллы авыл җирлеге командасы яулады.

Авыл җирлекләре арасында район Спартакадасы кысаларында волейбол буенча финал уеннары Галимҗан Хөсәенов исемендәге спорт мәктәбендә узды. Финалда ир-атлар арасында Иске Чаллы авыл җирлеге командасы җиңү яулады, икенче урында - Төрнәс, өченчедә - Гәйтән авыл җирлеге.

Хатын-кызлар арасында Чулпан авылы җирлеге командасы җиңү яулады.

Авыл җирлекләре арасында узучысы район Спартакиадасы ТАССР оешуның 100 еллыгына багышланган. Киләсе этаплар 21 мартта узачак.  Анда авыллар халкы гер сорты, армрестлинг, өстәл теннисы, мас-рестлинг, йөзү, канат тарту һәм бадминтон буенча ярышачаклар.