Нурлатта эш башлаучы фермерлар грант отты

2019 елның 28 июне, җомга

Районда “Татарстан Республикасында эш башлаучы фермерларга ярдәм” ведомство программасы кысаларында Грантка лаек булучыларның саны 3кә артып, 15кә җитте.

Күптән түгел ТР Авыл хуҗалыгы һәм азык-төлек министрлыгы үткәргән конкурс сайлап алуын узып, Грант отучылар арасында эш башлучы фермерлар – Аксумла авылыннан Карине Казоян, Якты Күлдән Гөлсинә Сатдарова һәм Иске Әлмәттән Лилия Бараболя да бар. Конкурс җиңүчеләре Грант акчаларына төрле юнәлешләрдә эшчәнлек алып барырга ниятли. Мәсәлән, крестьян-фермерлык хуҗалыгы башлыгы Карине Казоян 3 миллион сумлык Грантны 50 баш сыерга сөтчелек фермасы үсешенә тотмакчы була. 1әр миллион ярымлык Грантлар откан фермерлар – Гөлсинә Сатдарова 40 баш ат, ә Лилия Бараболя 4 мең баш күркә үрчетмәкче.