Уяв-2019: очрашу урыны – Якушкино

2019 елның 24 июне, дүшәмбе

Быел “Уяв” чуваш милли мәдәнияте бәйрәме 29 июньдә Якушкино авылында узачак. Географиясе үзгәрсә дә, ул үз колоритын һәм масштабын саклап калачак. Биредә тематик ишегаллары, балалар уен мәйданчыклары тәкъдим ителәчәк, милли ризыклар, сара эчемлеге, курчаклар конкурслары узачак. Батырлар һәм гармунчылар иң яхшы исеме өчен көч сынашачак. Бәйрәм 8.30да башлана.