Киекле авыл җирлегендә юллар һәрвакыт чиста

Бу көннәрдә кар туктаусыз явып торса да, Киекле авыл җирлеге өчен ул зур проблема тудырмый. Җирлек составына керүче Киекле, Кизләү, Үрнәк авылларында кар чистарту эше җайга салынган. 
– Җирлекнең үз тракторы бар, моннан тыш, Киекле авылында яшәүче Наил Хәйбуллин да үз МТЗ тракторы белән ярдәмгә килә, – диде авыл җирлеге башлыгы Рәис Ганиев. – Мәктәп укучылары исә ялгыз яшәүче өлкән яшьтәге кешеләргә шефлык итәләр: карларын кериләр, хуҗалыктагы башка эшләрендә дә булышалар.