ЯҢАЛЫКЛАР
Хәзер Нурлат районы эшмәкәрләре Татарстан Республикасында эшмәкәрлеккә ярдәм йөзеннән оештырылган барлык программалар буенча да консультацияләрне ТРда эшмәкәрлеккә ярдәм фондының төбәк вәкиле аша Нурлат шәһәре, Карл Маркс ур, 12 адресы буенча, чәршәмбе һәм җомга көннәрендә ала алалар.
Ата-аналары алиментлар түләмәүче балигъ булмаган балалы гаиләләргә хокукый ярдәм күрсәтү буенча Гражданнарны бердәм кабул итү көне 2 апрель көнне суд приставы, район башкарма комитеты җитәкчесенең социаль мәсьәләләр буенча урынбасары, Халыкның мәшгульлеге үзәге, социаль яклау һәм мәгариф бүлекләре вкәилләре катнашында үтте. Бу көнне белгечләргә өч хатын-кыз мөрәҗәгать итте, аларның берсе – өч балалы әни.
Район башкарма комитеты җитәкчесенең социаль мәсьәләләр буенча урынбасары Эльмира Шагаева төрле ведомство оешмаларына гаиләләргә авыр тормыш хәлләрендә ярдәм итәргә, шулай ук алиментлар түләмәүче әтиләрне 7 майда узачак комиссия утырышына чакырырга кушты.
Алиментлар түләмәүче ата-аналар белән эшләү буенча комиссия утырышы һәр айның сишәмбесендә үткәрелә. Кабул итүгә язылу Нурлат муниципаль районы башкарма комитеты канцеляриясендә 8(874345) 2-00-06 телефоны буенча алып барыла.
14 апрель көнне 14.00дә Якты Күл авылы мәдәният йортында Бөтенроссия татар конгрессының Нурлат бүлекчәсе “Ак калфак” татар хатын-кызлары иҗтимагый оешмасы белән берлектә “Кем мин татар булмагач” дип аталган күчмә киңәшмә үткәрәчәк.
Бүген Нурлат үзәк хастаханәсендә Туберкулезга каршы көрәш декадасы кысаларында “Туберкулезга – юк” дип аталган акция узды.
Бүген район башкарма комитетында алиментлар түләүдән баш тартучылар белән эшне оештыру буенча эшче төркем утырышы үтте.
“Дуслык” (“Дружба”, “Туслах”) район газетасына агымдагы елның икенче яртыеллыгына әбунә кампаниясе башланды. Ярты елга язылу бәясе – 699 сум, альтернатив әбунә – 450 сум. Газетага почта бүлекчәләрендә һәм “Нурлат-информ”ның Совет ур., 113А һәм К.Маркс ур., 1Г адреслары буенча урнашкан реклама бүлекләрендә язылырга мөмкин.
Балалар иҗаты үзгеннән Аделя Карымова һәм Кристина Рассадина “Ягымыл яз-2019” татар милли мәдәнияте фестивалендә катнашып, призер булдылар
Районда Мәдәният хезмәткәрләре көненә багышланган бәйрәм кысаларында Югары Нурлат һәм Якты Күл мәдәният йортлары хезмәткәрләре, шулай ук “Сердәш” ансамбле әгъзасы, «Ел хатын-кызы. Ел ир-аты: хатын-кыз күзлегеннән” республика конкурсының “Мәдәният һәм рухият” номинациясендә җиңү яулаган Рәмзия Әхмәтова Бөтендөнья татар конгрессының Нурлат бүлеге тарафыннан билгеләп үтелделәр.
“Гармония” үзәгенең социаль педагогы Татьяна Красавина китапханә хезмәткәрләре белән берлектә Нурлат җирлекара балалар китапханәсендә “Кошлар – безнең дусларыбыз” дип аталган чара үткәрде.
Росреестрның ТР буенча идарәсе Нурлат бүлеге 3 апрельдә 13.00дән 18.00гә кадәр халык өчен Бердәм консультацияләр көне уздырачак.