Кичә шәһәрнең 1нче мәктәбе укучылары бердәм булып макулатура тапшырдылар. Чарада барлык сыйныф укучылары да актив булып катнашкан. Нәтиҗәдә, барлыгы 5 тонна кәгазь җыеп тапшырганнар. Мәктәптә мондый чараны елына ике тапкыр – язын һәм көзен үткәрәләр һәм, традиция буларак, иң күп тапшыручылар арасында конкурс үткәрәләр. Бу юлы мәктәптә кече сыйныфлар арасында иң күп кәгазьне 3Алар, урта звенода – 5Блар, өлкән сыйныфлар арасында 8Алар җыйган.