Онлайн-кассаларга күчәбез
2017 елның 31 мартыннан алкоголь, шул исәптән сыра белән сәүдә итүче оешмалар һәм шәхси эшмәкәрләр сатып алучылар белән исәп-хисап ясаганда контроль-касса техникасыннан файдалана башлаячаклар.
– Сатуның формасы нинди булуга карамастан – отельдәме ул, ресторандамы, кибеттә яки кафедамы, шәһәрдә яки авылдамы – бар җирдә дә контроль-касса техникасы куллану мәҗбүри булачак, – ди ТР Дәүләт алкоголь инспекциясенең Чистай территориаль бүлеге әйдәп баручы белгеч-эксперты Алия Гәрәева. Бу тәртип 2016 елның 3 июлендәге “Этил спиртын, алкогольле һәм составында спирт булган продукцияне җитештерү һәм аларныц әйләнешен дәүләт көйләве һәм алкоголь продукциясен куллануны (эчү) чикләү турындагы” федераль законга үзгәрешләр кертү турындагы” №261-ФЗ Федераль Закон белән кертелә.