Бүген Нурлат шәһәре халкының мәшгульлеге үзәгендә Өлкәннәр ункөнлеге кысаларында пенсия алды һәм пенсия яшендәге гражданнар өчен вакансияләр ярминкәсе үтте. Биредә төрле предприятие һәм учреждение вәкилләре өлкәннәрне үзләрендә булган вакансияләр белән таныштырдылар. Үзәк белгечләре әйтүенчә, бүгенге көндә районда әлеге категория гражданнарга туры килерлек 30лап вакансия ачык.