Җитди мәсьәләләр каралды
Бүген, 17 августта, видеорежим кысаларында Татарстан Республикасындагы наркотикларга каршы комиссия утырышы үтте. Аны ТР Премьер-министры урынбасары, Татарстан Республикасындагы наркотикларга каршы комиссия рәисе урынбасары Васыйл Шәйхразиев алып барды. Видеоутырыштан соң әңгәмә урыннарда дәвам итте.
– Эшләрне Нурлат районындагы наркотикларга каршы комиссия планы буенча дәвам иттерергә, барлык мөрәҗәгатьләргә дә төгәл җавап бирергә кирәк, – диде район башкарма комитеты җитәкчесенең социаль-мәдәни мәсьәләләр буенча урынбасары Әлфия Галәветдинова. Биредә үк Нурлат районы үзәк хастаханәсе табиб-наркологы Семен Федотов та чыгыш ясады. Ул агымдагы айга аноним эчкечеләр һәм наркоманнар җәмгыятьләре тарафыннан планлаштырылган чаралар белән таныштырды