Нурлат укытучылары конкурста катнашып, “Укытучы-остаз” исеменә лаек булды

ТР Мәгариф һәм фән министрлыгы тарафыннан  республикада белем бирүнең сыйфатын үстерү, иң яхшы педагоголык тәҗрибәсен тарату максатыннан булдырылган  укытучыларның һөнәри үсешенә Грант ярдәме конкурсында катнашып, Нурлатның өч педагогы “Укытучы-остаз” дигән исеменә лаек булды. Болар – гимназия укытучылары Резедә Вәлитова белән Наталия Кутузова һәм Фома мәктәбе укытучысы Гөлүсә Әһлиуллина. Конкурс республиканың уңышлы эшләүче югары белемле педагоглары арасында  быел беренче тапкыр үткәрелгән һәм анда җиңүчеләр “Укытучы-остаз” һәм “Укытучы-эксперт” номинацияләре буенча билгеләнгән. Җиңүчеләргә Грант акчалары ел дәвамында ай саен хезмәт хакына өстәмә итеп биреләчәк.