Иҗтимагый совет башлап йөрде

Югары Нурлат микрорайонында Өлкәннәр көне уңаеннан бәйрәм чарасын оештыруның төп мәшәкатьләрен территориаль иҗтимагый совет җитәкчесе Ильяс Төхфәтуллин үз өстенә алган. Әлбәттә, микрорайонның мәдәният һәм мәгариф учреҗдениеләре хезмәткәрләре дә бәйрәмне оештыруда читтә калмаганнар:  мул табын да, күңелле концерт та өлкәннәр күңеленә хуш килерлек булган, сабыйлар чыгышы аеруча күңелләрне нечкәртерлек яңгыраган.