Нурлатта: гаилә фермасына – дәүләт ярдәме

Республикада “Татарстанда 2015–2017 елларда КФХлар базасында гаилә терлекчелек фермаларын үстерү” федераль ведомство программасы буенча грантлар отучы 41 фермер  арасында Яңа Әмзәдән Алмаз Корбанов та бар. Крестьян-фермерлык хуҗалыгы башлыгы әлеге акчаларны  гаилә фермасын үстерүгә тотарга ниятли.
- Бүгенге көндә 33 баш мөгезле эре терлек асрыйбыз. Шуларның 13е – савым сыер, - ди фермер. – Грант ярдәмендә  24 башка исәпләнгән заманча ферма төзергә, савым сыерларның баш санын арттырачакбыз.
Бу көннәрдә Корбановларның гаилә фермасында эшләрнең кызган чагы – печән өсте. Гаилә 76 гектарда үстерелгән печәнне беренче катка чаптыру белән мәшгуль. Моннан тыш, 60шар гектарда арпа һәм бодай да үстерәләр әле, аларны саклап үстерү буенча да мәшәкатьләре җитәрлек. Ә грант хуҗалыкларын тагы да үстерүгә яхшы стимул булачак, диләр Корбановлар.