Район башлыгы кече нефть компаниясе җитәкчелеге белән очрашты

Бүген район район башлыгы Равил Кузюров һәм ТР Президентының ярдәмчесе Ринат  Сабиров “Татнефтотдача” ААҖ җитәкчелеге һәм акционерлары вәкилләре белән очрашты.

Әлеге очрашуда кече нефть компаниясенең алга таба перспективалары, нефть чыгаруны арртыру буенча күреләчәк технологик чаралар, шулай ук район территориясендәге социаль программаларда катнашу мәсьәләләре каралды. Очрашуда “Бәйсез нефть чыгару компаниясе” (ННК) ЯАҖнең тышкы икътисади  эшчәнлеге идарәсе начальнигы Владимир Варавкин, Испания һәм Латин Америкасындагы иң эреләрдән саналган РЕПСОЛ нефть чыгару компаниясенең Россия филиалы директоры Фернандо Мартинес Фреснеда Морено, “АЛРЕП” ИК ОООсының генераль директоры Виктор Сопов, “АЛРЕП” җәмгыятенең техник директоры Самбрано Пасминьо Эктор Ремихио катнаштылар. Равил Әфраимович кунакларны сәламләп, Нурлат районында нефтьчләре белән һәрчак җылы һәм эшлекле мөнәсәбәтләр булуын, аларның районның социаль тормышында зур роль уйнавын билгеләп үтте. Шунда ук үзләре эшләгән авыл җирлекләрендә юллар проблемасын хәл итүгә кушылган өчен ННК җәмгыятенең генераль директоры Эдуард Худайнатовка рәхмәт җиткерүләрен сорады. ТР Президентының ярдәмчесе Ринат Сабиров исә күптән түгел генә ННК ЯАҖ һәм Татарстан арасында төзелгән хезмәттәшлек килешүенең перспективаларын һәм бурычларын искә төшереп үтте. “Президент Рөстәм Миннеханов кече нефть компанияләренең эшчәнлегенә зур әһәмият бирә, өч айга бер тапкыр аларның җитәкчеләрен җыеп сөйләшә, ә елына бер тапкыр барлык нефть компанияләренең җитәкчелеге катнашында “нефть саммиты” уздырыла. Сез анда үзегезнең бизнес-проектыгызны тәкъдим итә аласыз, проблемалар турында сөйләшү мөмкинлеге дә бу”, – диде. ННК ЯАҖнең тышкы икътисади  эшчәнлеге идарәсе начальнигы Владимир Варавкин кече нефть компаниясендә нефть чыгаруны 2017 елга 830 мең тоннага җиткерү планлаштырылуын, шуның 600 меңнән артыгы Нурлат районына туры киләчәген әйтте, моңа яңа технологияләр файдаланып ирешмәкче булабыз, диде ул. Соңыннан исә “АЛРЕП” җәмгыятенең техник директоры Самбрано Пасминьо Эктор Ремихио җылы каршы алулары һәм эшлекле башлангычларны һәрчак хупларга әзер торулары өчен ресупблика һәм Нурлат районы җитәкчелекләренә рәхмәтен җиткерде.