Нурлат районында язгы чәчүгә әзерлек буенча иң күп баллны “Сөйләманов”лылар җыйды

Район хуҗалыкларының язгы чәчүгә әзерлеге агросәнәгать комплексы оешмалары арасында оештырылган республика конкурсы кысаларында тикшерелде. Составында ТР авыл хуҗалыгы һәм азык-төлек министрлыгының инженер-техник тәэмин ителеш бүлеге белгече Руфит Мөбарәкҗанов, районның авыл хуҗалыгы һәм азык-төлек идарәсе, Гостехнадзор, Россельхознадзор белгечләре булган комиссия иң яхшы әзерлек “Сөләйманов Ә.И” КФХсында дип тапты. Сөләймановлылар 40 мөмкинлектән 39 балл туплаган. Икенче урында – “Южная” агрофирмасы, аларның әзерлеге 38 балл белән бәяләнгән, өченчедә - “АгроРазвитие”леләр. Гомумән, район буенча  хуҗалыкларның язгы чәчүгә әзерлеге уңай бәяләнде, дип билгеләп үтәләр комиссия әгъзалары.