“Дуслык” газетасы хезмәткәрләре янгын-техник минимумы буенча укулар үтте

Кичә газетабыз редакциясе хезмәткәрләре  беренчел янгын куркынычсызлыгы кагыйдәләрен искә төшерделәр, эш урынында  янгын чыга калганда ут сүндерү чараларыннан дөрес файдаланырга, үз-үзеңне дөрес тотарга өйрәнделәр. Янгын күзәтчелеге бүлеге вәкиле болар хакында җентекле итеп аңлатты, хезмәткәрләрне кызыктырган сорауларга җавап бирде.  Янгын-техник минимумы буенча  өйрәнү укулары  “Татмедиа” АҖ инициативасы буенча соңгы араларда янгыннар белән бәйле хәлнең кискен торуына бәйле рәвештә оештырылды.