Яшьләр депутат булырга әзерләнә

- “Смена” үзәгендә үткәрелгән чарада эш биш мәйданчыкка бүленеп алып барылды. Безнең мәйданчык социаль юнәлештә иде һәм безгә Татарстанның инвалидлар өчен  эш урыннарын квоталау турындагы Законына үзгәрешләр кертү бурычы куелды, - дип тәэсирләре белән уртаклаша күпфункцияле үзәкнең әйдәп баручы белгече Татьяна Тумакова. – Фикер алышулардан соң “эчке праймериз” нәтиҗәсендә ике кешене сайлап алдык, алар безнең мәйданчык исеменнән чыгыш ясады. Гомумән, әлеге чарадан үзебез өчен күп яңалык алдык.  “Яшь депутатлар мәктәбе” федераль проектының кураторы Александр Галкинның чыгышы да тәэсирле булды, депутат – халык ышанычлысы һәм ул иң беренче чиратта халык мәнфәгатен кайгыртып эшләргә тиеш дигән нәтиҗәгә килдек. 

Проект исә бөтен ил буенча тормышка ашырыла һәм быел көзен үтәчәк  муниципаль сайлаулар  белән турыдан-туры бәйле. Татарстанда исә вәкиллекле органнарга киләчәк депутатларның 10 процентларын яшьләр тәшкил итәр, дип фаразлана. Ә “Политзавод-2015” үзенең эшен алга таба да дәвам итәчәк әле.