Нурлатлылар Икътисади совет утырышында катнашты

Утырыштагы темалар агымдагы елда республиканың консолдидацияләнгән бюджетына салым түләүләренең керүе һәм бурычларның торышы турында булды. Көн тәртибенә берничә мәсьәлә куелды, алар арасында “Татарстан Республикасы товарларын эчке базарларга чыгару” ИАСын кертү, салым түләүләре керүе һәм башкалар бар иде. Нурлат районы предприятиеләре, учреждениеләре җитәкчеләре, шәхси эшмәкәрләр дә район башлыгы Равил Кузюров рәислегендә утырышта видеорежимда катнаштылар. Көн тәртибе буенча чыгыш ясаучыларны тыңлаганнан соң, сөйләшү урында дәвам итте. Нурлат муниципаль районы башкарма комитеты җитәкчесенең беренче урынбасары Руслан Морадыймов бүгенге көнгә райондагы вәзгыять буенча мәгълүмат китерде.