Нурлат муниципаль районы

Язгы ташу чорында районның 7 авылларында гидрологик постлар оештырылачак

2015 елның 13 марты, җомга

Язгы чор башлану белән районда тормыш аерата көчле әзерлек стадиясенә керә, дияргә мөмкин. Шуңа да иң тәҗел бурычлар язгы ташу чорында кисәтү чаралары һәм бу вакытны аварияләрсез уздыруны оештыруга бәйле. Боларга су торбаларын, су җибәрү каналларын кардан, боздан һәм чүп-чардан чистарту да, автоюлларның торышына контрольлек итү дә керә.

– Киекле, Заречный, Кычытканлы, Якты Күл, Мамык, Төрнәс, Якушкино – әлеге авылларда гидрологик постлар оештырылачак, – диде Нурлат гарнизоны начальнигы Илһам Курамшин. – Алар тәүлегенә ике, ә ситуация катлауланса, дүрт тапкыр су дәрәҗәсенең күтәрелү күрсәткечләрен районның бердәм диспетчерлык службасына җибәрәчәкләр, һәм бу мәгълүмат гомумиләштерелеп

республиканың гадәттән тыш хәлләр комиссиясенә, МЧСка юллана. Язгы ташуны аварияләрсез уздыру гидротехник корылмаларны файдалануда куркынычсызлыкны тәэмин итүгә дә тыгыз бәйләнгән, алар районда 23әү.

Районда барлыгы 215 су агу торбасы һәм 29 күпер бар, шуның берсе әлегә ремонтта. Алар чистартылган һәм кар суларын агызуга әзерләнгән.

Юл службалары базаларында инерт материаллар запасы әзерләнгән: 40 тонна вак таш, 112 тоннадан артык ком бар. “Промочистка”, кирәге чыкса, бу чорда эчә торган суны зарарсызландыру өчен 18 тонна төрле реагентлар һәм 35 тонна известь запасы булдырды. Язгы ташуны фаразлавы кыен. Метеорологлар яз өчен иң кулай һава торышы көндез плюслы, төнлә минуслы температура, диләр.

Һәм әлегә бездә нәкъ шундый һава торышы күзәтелә дә.

– Кыш карлы булды, 10 мартка кар катламының калынлыгы кырларда 35 сантиметр тәшкил итә иде, – диде Чулпан метеостанциясе начальнигы Наталья Матвеева. – Хәзер температура режимының күтәрелүе күзәтелә. Әгәр дә җирнең туңы 1 метрдан артып китсә, кар тиз эрегән очракта су басуы ихтимал.– Әлегә һава шартлары су басу ихтималы булган барлык объектларны һәм участокларны контрольдә тотарга, азык-төлек, медикаментлар, ягулык-майлау материаллары запаслары, йөзү чаралары, мотопомпалар, электр станцияләре булдырырга мөмкинлек бирә, – ди гарнизон начальнигы.

БАРЛЫК ЯҢАЛЫКЛАРНЫ УКУ