Сингапурча укыту

Кичә һәм бүген - 19,20 ноябрьдә шәһәрнең 2нче урта мәктәбендә, ТРның Өстенлекле мәктәпләренең берсендә методинг коучинг-белемнәрне тикшерү үтте. 

2013 елдан башлап Нурлат һәм Сингапур укытучыларын дуслык һәм хезмәттәшлек җепләре бәйли. Быел республиканың 50 мәктәбендә, шул исәптән шәһәрнең 2нче урта мәктәбендә дә Сингапур укытуының 5 юнәлеше буенча укулар уза. 2013 елда белем сыйфаты буенча иң яхшы нәтиҗәләргә ирешкән шәһәрнең 2нче урта мәктәбе дә әлеге юнәлешләрнең берсен өйрәнде. Бүген биредә Сингапур алымы - яңа технологияләр буенча эшли инновацион программаларны, укытудагы алдынгы методикаларны һәм технологияләрне кулланыла. Ә бу – үз чиратында сыйфатлы белем гарантияли.

Сингапур кунагы, Edukare  компаниясе тренеры  Уан Чин шәһәрнең 2нче урта мәктәбендә ике көн дәвамында дәресләрдә булып, контроль карау үткәрде. 

- Бу – ел дәвамында эшләнгән эшләргә нәтиҗә бирү, - тренер Уан Чин. – Быелгы программа тирән фикерләүне үз эченә алган иде. Нурлат укытучылары актив эшләгәннәр, күренеп тора. Балалар да бик актив. Мин караган 5 дәрестә яхшы, продуктив иде.  Шуңа да Татарстандагы 50 мәктәп арасында нурлатлыларның эшен иң яхшыларның берсе дип саныйм. Республика буенча тулы рейтинг исә 2015 елның гыйнваренда ясалачак.