Шәхси хуҗалыкларга савым аппаратлары өләшү дәвам итә

Кичә, 7 август көнне, Иске Әмзә авылында яшәүче 6 гаилә дә район башлыгы Равил Кузюров кулыннан саву аппаратлары алды. Гыймалетдиновлар, Ногмановлар, Шәйдуллиннар, Гафиятуллиннар, Сәгыйровлар һәм Гатиннар –  авылның күпләп  мөгезле эре терлек асраучы гаиләләре. Мәсәлән, Шамил һәм Рәмзия Гатиннар гаиләсендә савым сыерлар гына да 8 баш исәпләнә, Навил һәм Лилия Гыймалетдиновлар исә 6 баш сыер асрыйлар. Алар да, башка гаиләләр дә хуҗалыкта бик кирәкле булган әлеге бүләкләрне рәхмәт белән кабул иттеләр. “Савым аппаратлары да биргәч, терлекләр санын тагы да арттырмыйча булмас”, - дип, матур ниятләрен дә җиткерде авыл халкы. 

Кичә Колбай Мораса, Иске Әлмәт авыл җирлекләрендә яшәүче күпләп терлек асраучыларга шундый ук саву аппаратларын район башлыгы урынбасары Флюра Ногманова тапшырды.