"Ратный сбор" "Заречный"да уза

2014 елның 7 августы, пәнҗешәмбе
“Заречный” лагере территорияседәге “Ратный сбор” җәйге хәрби-патриотик лагере да икенче ел рәттән үз ишекләрен ачты. Биредә 14-17 яшьлек мәктәп укучылары кыр шартларында яшәп, хәрби-гамәли гыйлем һәм көндәлек солдат тормышын өйрәнәләр. 7 көнлек бер сменада
50ләп бала өйрәнү җыеннары уза. Биредә бар да хәрбиләрдәгечә. “Хезмәт” үз эченә стройда йөрү һәм тактик әзерлекне, мылтыктан ату, армия кул сугышы алымнарын үз эченә ала. Шунда ук егетләр һәм кызлар парашют, автомобиль һәм картинг спорты белән шөгыльләнә ала.
Камуфляж формасын кигән курсантлар палаткаларда яшиләр. Шул ук вакытта лагерьны оештыручылар район башкарма комитетының яшьләр эшләре һәм спорт бүлеге, “Патриот” республика үзәге һәм РОСТО (ДОСААФ) иҗтимагый-дәүләт берләшмәсе кырда яшәүче курсантлар
өчен сыйфатлы туклану һәм гигиена шартларын да кайгырткан. Биредә бар да график нигезендә. Ял сәгатьләрендә дә күңелсезләнеп утырырга туры килми. Хәрби-патриотик юнәлештәге җәйге ялны балалар үзләре бик көтеп ала икән. Гимназиянең 11нче сыйныф укучысы Илнур Ханиев алдагы тормыш юлын табиб һөнәренә багышларга уйласа да, физик-әхлакый ялның файдасын бәяли.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнарның мөрәҗәгатьләре
Телефон: 8 (84345) 20601, 20602,20027
Факс: (84345)20603
E-Mail: nurlat@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International