Урак көндәлеге

Район хуҗалыкларында соңгы коры көннәрне максималь файдаланып эшләделәр.Кичә бер көн эчендә  “Южная” агрофирмасында 333 гектарда, “Сөләйманов Ә.И.” хуҗалыгында 188 гектарда игеннәрне суктырырга өлгергәннәр. “Агро-Развитие” һәм “Нурлат сөте” җәмгыятьләрендә дә суктырылган мәйданнар 100әр гектардан артыграк булган. Кичәге көнгә район буенча урак башыннан бирле суктырылган мәйданнар 11167 гектар (27%)  тәшкил итте. Хуҗалыклар буенча “ИРС”лылар алда – аларда барлык мәйданнарның 48 процентында урып-җыю үткәрелгән, “Сөләйманов Ә.И”дә бу күрсәткеч  – 34, “Агро-Развитие”дә- 33, “Южная” һәм “Нурлат сөте”ндә  – 30ар, “Тулпар-Агро”да – 28, “Космос”та – 24, “Колос”та 15 процент тәшкил итә. Ә менә “ВЗП Билярск”та барлык мәйданнарның 3 процентында гына урып-җыю үткәрелгән әле. Иң зур уртача уңыш “Сөләйманов Ә.И.” хуҗалыгында, биредә бер гектардан 33,6 центнер уңыш җыялар, икенче урында -  32,9 центнер белән “Нурлат сөте” җәмгыяте.