Авыллар халкы табиблар консультациясе ала

“Бердәм Россия” көне” акциясе кысаларында республика клиник хастаханәсе табиблары Иске Әлмәт табиблык амбулаториясендә халыкны кабул итү оештырдылар. Казан белгечләре – невропатолог, кардиолог, эндокринолог  10.30дан кабул итә башладылар, аңа кадәр аларга кабул итүгә 48 авыл кешесе язылган иде. Әмма  башкала табибларыннан консультация алырга теләүчеләрнең  саны арта тора.   

- Табибларның кабул итүләре турында алдан хәбәр ителгән булса да, авыллар халкы ишетеп бетермәгән булган күрәсең, ә хәзер хәбәрне бер-берсенә тапшыралар. Берәүне дә кире бормыйбыз, - ди Нурлат район хастаханәсенең баш табиб урынбасары Мөнир Әхмәтшин. Бу көнне Иске Чаллыда халыкны Нурлат районы хастаханәсе табиблары – невропатолог, эндокрионолог, гомумпрактика табибы, окулист, гинеколог, УЗИ аппараты белән табиб кабул итә. Ике табиблык амбулаториясендә дә кабул итүләр кичке 5нче яртыга кадәр дәвам итәчәк.