Нурлат бухгалтерлары Чистайда уку уздылар

Сишәмбе көнне үзәкләштерелгән бухгалтерия һәм финанс палатасы бухгалтерлары ата-ана кертемнәрен исәпләү һәм алар турындагы мәгълүматларны БАРС-бюджет системасына кертү  темасына багышланган укуларда булып кайттылар.
– Чистайда узган уку-өйрәнүләрне Мәгариф һәм фән, Финанс министрлыклары  һәм “БАРС-ГРУП” жьмгыяте үткәрде, - ди мәгълүмати-методик үзәк методисты Гөлсинә Измайлова. – Әлеге проблема безнең районда гына түгел, бөтен республиканы борчый. Сораулар күп. Шәхсән безгә килгәндә, программа эшкәртелә. Сентябрь аенда компенсация алмаучылар аны ала башлады. Акрынлап кына бу эш җайга салыначак.