Фатирда янгын сүндерү сигнализациясе: хәбәр бирү җиһазын ни өчен алып куярга ярамый
Күпфатирлы йортларны төзегәндә төзүчеләр һәр фатирда автоном янгын хәбәрчеләрен - янгын чыгу турында вакытында кисәтергә сәләтле зур булмаган җайланмаларны урнаштыра.
Әмма барлык яңа күчүчеләр дә аларга җаваплы карамый. Идеаль интерьер артыннан куганда яки киеренке түшәмнәрне монтажлаганда датчиклар еш кына демонтажлана. Кемдер аларны артык дип саный, кемнеңдер очраклы эшләве ачуын китерә. Ләкин мондый гамьсезлек бик кыйммәткә төшәргә мөмкин.
73нче янгын сүндерү бүлеге искә төшерә: янгын хәбәрчесе — декор элементы түгел, ә коткару чарасы. Җайланма үзенең нәтиҗәлелеген берничә тапкыр исбатлады. Соңгы очракларның берсе Нурлатта яшәүче өлкән яшьтәге хатын-кыз белән булган. Хуҗа хатын, фатирдан чыкканда, электр приборын сүндерергә оныткан. Янгын чыккан. Автоном хәбәрче кабына - тавыш сигналын күрше хатын ишетә һәм шундук янгын сүндерүчеләрне чакыра. Вакытында чакыру нәтиҗәсендә янгын сүндерүчеләр пенсионер хатынның мөлкәтен һәм фатирын саклап кала алган.
Әгәр түшәм астындагы кечкенә датчик булмаса, вакыйга фаҗига белән тәмамланырга мөмкин иде.
73нче ПЧ инструкторы Таңсылу Әхәтова