Каравыл Тавында Советлар Союзы Герое Анатолий Кузнецов истәлегенә багышланган чаңгы эстафетасы узды
Кичә, 7 мартта, Каравыл Тавы авылында Советлар Союзы Герое, якташыбыз Анатолий Иванович Кузнецов истәлегенә багышланган чаңгы ярышлары булып узды. Оештыручылар-Егоркино авыл җирлеге, районның яшьләр эшләре һәм спорт бүлеге, җирле мәктәп администрациясе һәм күпфункцияле үзәк.
Эстафетада районның гомуми белем бирү учреждениеләреннән 7 яшь чаңгычылар командасы катнашты. Старт алдыннан катнашучылар һәм кунаклар геройны искә алдылар, мемориалга чәчәләр куйдылар.
Киеренке барган спорт көрәшеедә Нурлат шәһәренең 8нче урта мәктәбе командасы җиңү яулады. Икенче урынны Иске Чаллы мәктәбе, өченче урынны Андреевка мәктәбе чаңгычылары яулады. Барлык җиңүчеләр һәм призерлар медальләр һәм грамоталар белән бүләкләнде.
Оештыручылар билгеләп үткәнчә, чараның төп максаты — спортны популярлаштыру гына түгел, ә героик үткәннәр турындагы хәтерне саклау, укучыларда патриотизм һәм киләчәк өчен җаваплылык хисе тәрбияләү.