Патриотизмны - биләүдән үк:"Грани" үзәгендә мәктәпкәчә яшьтәге балалар өчен "хәрби уеннар" узды
«Яшьләр һәм балалар» илкүләм проекты кысаларында «Грани» мәдәни-ял үзәге иң яшь патриотларга чара үткәрде. 17 номерлы «Шатлык» балалар бакчасының зурлар һәм әзерлек төркемнәрендә тәрбияләнүчеләр күңел ачу гына түгел, бәлки балаларга үз илләренең тарихын ихтирам итү максатында оештырылган тематик патриотик уенда катнашты.
Чара Бөек Ватан сугышы турында җитди, әмма балаларга аңлаешлы сөйләшүдән башланды. Оештыручылар нәниләр белән аның дәвамлылыгы, совет солдатларының батырлыклары һәм тиздән бөтен илнең Бөек Җиңү көнен бәйрәм итүгә әзерләнәчәге турында сөйләштеләр. Безнең кечкенә дусларыбызның тарихи хәтерне саклауның мөһимлеген аңлау һәм тирән кызыксыну күрсәтеп, ул героик вакыйгалар турында никадәр күп белүләре гаҗәпләндерде.
Танып-белү өлешеннән соң актив хәрәкәтләр вакыты җитте! Бәләкәй кунаклар «хәрби уеннар»дип аталган спорт ярышларында энтузиазм белән катнашты. Ике команда — “Очучылар” һәм “Моряклар" - җитезлек, кыюлык һәм тапкырлык буенча ярышты.
Балалар саклык һәм игътибарлылык таләп ителгән «Мина кырын узып кит»; координацияне һәм төгәллекне үстерә торган «Төз атучы»; физик әзерлекне тикшерә торган «Авырлыклар полосасы аша үт» һәм зирәклек күрсәтергә кирәк булган «хәрби зирәклек» сынауларын дәртләнеп үттеләр. Һәр бирем балаларны хәрби әзерлек элементлары һәм команда эшенең әһәмияте белән уен формасында таныштыру өчен уйланылган иде.
Барлык сынаулар тәмамлангач, "сугышчылар" тантаналы рәвештә хәрби бурычларны уңышлы үтәүләре уңаеннан котлаулар кабул итте. Оештыручылар балаларга балалар бакчасында яхшылап шөгыльләнүләрен, Җиңү көненә багышланган бик күп җыр һәм шигырьләр ятлауларын теләделәр, бу эшне дәвам итүнең мөһимлеген ассызыкладылар.
Мондый чаралар үсеп килүче буын шәхесен формалаштыруда төп роль уйный. Мондый уеннар нәтиҗәсендә Бөек Ватан сугышы турындагы хәтер сүнми, бәлки буыннан-буынга күчә, балаларның йөрәкләрен үз Ватаннары һәм аның геройлары өчен горурлык белән тутыра. Ә эстафета рәвешендәге физик активлык мәктәпкәчә яшьтәге балаларның сәламәтлеген үстереп кенә калмый, команда рухын да формалаштыра, үзара хезмәттәшлеккә һәм ярдәмләшүгә — гомер буе кирәк булачак сыйфатларга да өйрәтә.
«Грани» мәдәни-ял үзәге һәм 17 номерлы «Шатлык» балалар бакчасы патриотик тәрбиянең кечкенәдән үк мавыктыргыч һәм нәтиҗәле була алуын тагын бер кат исбатлады.