Нурлатта олылар һәм балалар - һәрвакыт игътибар үзәгендә
Нурлат районында балаларның һәрьяклы үсеше, гаилә иминлеге өчен барлык шартлар да тудырылган.
Әлеге юнәлештә «Гаилә» илкүләм проекты кысаларында бик күп чаралар үткәрелә. Илкүләм проектның төп бурычлары арасында - ата-аналарга һәрьяклап ярдәм итү, гаилә кыйммәтләрен ныгыту. Мәсәлән, әлеге проект кысаларында ГХАТ бүлегендә даими рәвештә үрнәк юбиляр гаиләләрне хөрмәтләү үткәрелә.
«Узган ел без 50, 60 һәм 65 ел бергә гомер кичергән 78 парны чарага чакырдык. Гаиләдә гаилә традицияләре, мәдәни гореф-гадәтләр һәм тарихи кыйммәтләр буыннан-буынга тапшырыла. «Гаилә учагы»ның яңа проекты да монда мөһим роль уйнаячак дип уйлыйм», – ди ЗАГС бүлеге җитәкчесе Лилия Гомәрова.
Районда иҗади һәм интеллектуаль үсеш өчен барлык шартлар да тудырылган: «Киләчәк» балалар иҗат үзәгендә 5 юнәлеш буенча 44 түгәрәк берләшмәсе эшли, аларда 1800дән артык бала шөгыльләнә.
"АРТист" театр коллективы «Театр йолдызлары 2025» Бөтенроссия конкурсында икенче урынны яулады. Ә әлеге коллективта катнашучыларның берсе беренче дәрәҗә лауреат исеменә лаек булды», – дип уртаклашты учреждениенең уңышлары белән аның җитәкчесе Оксана Терентьева.
Нурлатлылар «Мирас» яшүсмерләр клубына да зур теләк белән йөриләр, ул шәһәр яшүсмерләренең һәм яшьләренең иҗади һәм һөнәри потенциалын гамәлгә ашыру мәйданчыгына әверелде. Ә Үзәк китапханәдә төрле яшьтәге заманча мультимедиа цифрлы җиһазлар белән уңайлы функциональ киңлекләр булдырылган. Авыллар арасындагы үзәк китапханә директоры Роза Липатова сүзләренә караганда, соңгы елда район китапханәләре тарафыннан 3000нән артык чара үткәрелгән, шул исәптән 600е – татар телендә.
«Грани» мәдәни-ял үзәге, Халыклар Дуслыгы Йорты, Шәһәр Мәдәният Сарае, «Нур» татар мәдәнияте үзәге, район авыл клублары актив эш алып баралар. Аларга балалар да, өлкәннәр дә актив йөри.