Нурлатлыларны диспансерлаштыру тикшерүе узарга чакыралар
Нурлат районында «Дәвамлы һәм актив тормыш» илкүләм проекты кысаларында диспансерлаштыру узуның масштаблы этабы дәвам итә.
Илкүләм проект нурлатлыларга сәламәтлекләрен контрольдә тотарга булыша - моңа даими диспансеризация системасы үсеше ярдәм итә.
Район хастаханәсендә сөйләүләренчә, 2008, 2005, 2002, 1999, 1996, 1993, 1990, 1987, шулай ук 40 яшь һәм аннан өлкәнрәкләр 2026 елда диспансеризация узарга тиеш.
«Әгәр сезнең туган елыгыз исемлектә булмаса, сез ел саен профилактик тикшерү уза аласыз – бу да сәламәтлегегезне тикшерү өчен мөһим мөмкинлек», – диделәр район хастаханәсендә. «Сәламәт булуның иң яхшы ысулы – диспансеризация һәм профилактик медицина тикшерүләрен вакытында узу. Күп кенә авырулар иртә стадияләрдә үзләрен сиздерми, ә нәтиҗәләрне бары тик симптомнар нигезендә генә ясау - профессиональ дә, дөрес тә түгел", - диләр табиблар.