Газ җиһазын куллану кагыйдәләрен бозу: җаваплылык һәм нәтиҗәләр
Газ приборларын эксплуатацияләү кагыйдәләрен бозу җитди куркыныч тудыра.
Бу шартлауларга, янгыннарга, сөрем газы белән агулануларга һәм башка куркыныч нәтиҗәләргә китерергә мөмкин.
Төп кагыйдә бозу очраклары:
• Газ приборларын, бикләү арматурасын үз белдегең белән газлаштыру, алмаштыру яки ремонтлау. Мондый эшләрне квалификацияле белгечләр генә башкарырга тиеш.
• Приборлар, автоматика, арматура төзек булмаган вакытта, бигрәк тә газ чыгып торганда газны куллану. Куркынычсызлык автоматикасын сүндерү тыела, мәсәлән, җилләтү начар булганда.
• Төтен чыгаргычта һәм вентиляция каналларында тарту көче булмау. Газ колонкаларын яки казаннарны кулланыр алдыннан тарту көчен тикшерергә кирәк.
• Эшли торган газ приборларын күзәтүчесез калдыру (тиешле автоматика белән өзлексез эшләүгә исәпләнгән җайланмалардан тыш).
• Мәктәпкәчә яшьтәге балаларга, үз гамәлләрен контрольдә тотмаган, алкоголь яисә наркотик кулланып исергән затларга газ приборларын кабызырга рөхсәт бирү.
• Биналарны җылыту өчен газ плитәләреннән файдалану.
• Газ җиһазларына техник хезмәт күрсәтүгә килешү булмау.
Кагыйдәләрне бозуның кайбер нәтиҗәләре:
• Газ бирүне туктату. Газ хезмәте кагыйдәләрне бозу ачыкланганда, мәсәлән, тарту көче булмаганда, җиһазлар төзек булмаганда яисә хезмәт күрсәтү өчен белгечләр кертүдән баш тартканда газ бирүне туктатырга хокуклы.
• Гражданлык-хокукый җаваплылык. Гаепле кеше газ чыгып торган яки башка хокук бозулар вакытында китерелгән зыянны капларга тиеш.
Газ чыгып торганда нәрсә эшләргә:
• Газ бирү кранын бикләгез.
Тәрәзәләрне һәм ишекләрне ачып, бүлмәне җилләтегез.
• Ачык уттан файдаланмагыз, электр приборларын кабызмагыз һәм газ исе килгән бүлмәдә телефоннан шалтыратмагыз.
• Бинадан чыгып, авария хезмәтенә 112 телефоны буенча шалтыратыгыз.
Газ приборларын эксплуатацияләү кагыйдәләрен үтәү - мондый җиһазның һәр хуҗасының яки кулланучысының бурычы. Бу тормыш һәм сәламәтлек иминлеге, шулай ук мөлкәтнең сакланышы нигезе.
73нче ПЧ ОПП инженеры В. Матюшкина