Нурлатлыларга финанс хезмәтләре алганда үз хокукларын ничек якларга кирәклеге турында сөйләделәр
Гигиена һәм эпидемиология үзәгенең Нурлат филиалы белгечләре кулланучылар өчен файдалы белешмәлек әзерләде.
Сүз гражданнарның хокукларын банклар, иминият компанияләре, МФО, ломбардлар һәм башка финанс оешмалары боза торган очраклар турында бара.
Финанс хезмәте — банк хезмәте, иминият хезмәте, кыйммәтле кәгазьләр базарында хезмәт күрсәтү, финанс оешмасы тарафыннан күрсәтелә торган һәм кулланучының акчаларын җәлеп итүгә һәм (яисә) урнаштыруга бәйле башка хезмәт күрсәтү («Конкуренцияне яклау турында» 2006 елның 26 июлендәге 135-ФЗ номерлы Федераль законның 4 маддәсе). Финанс хезмәтләре күрсәтүче оешмалар:
банклар;
микрофинанс компаниясе яисә микрокредит компаниясе формасындагы микрофинанс оешмалары.
Микрофинанс компанияләре бер миллион сумнан артмаган кулланучылар займнары бирергә хокуклы, микрокредит компанияләре биш йөз мең сумга кадәр займ бирергә хокуклы;
иминият компанияләре;
түләү агентлары, иминият агентлары;
кредит кулланучылар кооперативлары;
ломбардлар һәм башкалар.
Финанс хезмәтләре күрсәткәндә кулланучы хокукларын яклауның төп ысуллары:
Дәгъва тәртибе. Кулланучы хокукларын бозган оешмага дәгъва белән мөрәҗәгать итү. Дәгъвада хокукларны бозуның нәкъ менә нинди юл куелуын күрсәтергә һәм конкрет таләп белдерергә кирәк. Дәгъва тапшыру ысуллары:
кертемнәрне тапшыру турында хәбәрнамә һәм исемлек белән почта аша юллама;
оешма вәкиле алудан читләшкән очракта, дәгъваның икенче нөсхәсендә аны тапшыру турында тамга һәм оешма штампы яисә тапшырганда шунда булган шаһитның имзасы куеп, оешмага шәхсән тапшыру.
Суд тәртибендә. Финанс хезмәтләре күрсәткәндә аның хокуклары бозылган очракта (мәсәлән, мәҗбүри түләүле хезмәтләр өчен түләнгән акчаларны кире кайтаруны таләп итү, иминият шартнамәсеннән баш тарту һ.б.) һәм оешма ирекле рәвештә аларны канәгатьләндерүдән баш тарткан очракта, кулланучы судка дәгъва белән мөрәҗәгать итәргә хокуклы. РФ Гражданлык процессуаль кодексының 47 маддәсе нигезендә кулланучы судта эш буенча бәяләмә бирү өчен дәүләт хакимияте органнарын эшкә җәлеп итүне таләп итәргә яисә тиешле гариза белән мөстәкыйль рәвештә Роспотребнадзорга мөрәҗәгать итәргә хокуклы.
Роспотребнадзор (һәм аның территориаль органнары) кулланучыга финанс хезмәтләрен тиешенчә күрсәтмәү турындагы бәхәсләргә бәяләмә бирү өчен эшкә керергә, шулай ук конкрет кулланучының, кулланучылар төркеменең хокукларын яклап судка дәгъва белән мөрәҗәгать итәргә хокуклы.
Административ җаваплылыкка тарту. Кулланучы финанс хезмәтләре күрсәтүче оешмаларга карата тикшерүләр уздырырга һәм аларны административ җаваплылыкка тартырга хокуклы дәүләт хакимияте органнарына шикаять белән мөрәҗәгать итәргә хокуклы. Гражданнар мөрәҗәгатенә һәм аларны карау тәртибенә төп таләпләр «Россия Федерациясе гражданнары мөрәҗәгатьләрен карау тәртибе турында»2006 елның 2 маендагы 59-ФЗ номерлы Федераль законда билгеләнгән. Шикаятьтә күрсәтелергә тиеш:
мөрәҗәгать итүченең фамилиясе, исеме, атасының исеме;
җавапны җибәрү өчен адрес;
хокукларны бозуга юл куйган оешманың исеме, аның урнашу урыны;
- мөрәҗәгатьнең асылы һәм хокукларны бозуның конкрет шартлары һәм башкалар;
- мөрәҗәгать итү датасы.
Шикаять мөрәҗәгать итүче тарафыннан имзаланырга тиеш. Шикаять бирү ысуллары:
дәүләт органына шәхсән, шул исәптән җитәкчене кабул иткәндә билгеләнгән көннәрдә һәм сәгатьләрдә тапшырырга;
почта аша җибәрергә;
махсус сервислар (мәсәлән, «дәүләт хезмәтләре») аша мөрәҗәгать итүченең шәхесен ачыклау мөмкинлеге белән «Интернет»аша, электрон почта аша җибәрергә.
«Татар-информ» фотосы.