Сөрем газы - күренмәс дошман

2026 елның 5 феврале, пәнҗешәмбе

Сөрем газы – бик мәкерле. Аның исе, төсе юк. Шуның белән кеше өчен куркыныч та.

Йортларга җылылык бирү башлануга, газ белән агулану куркынычы да шактый арта.

Гыйнвар аенда республикада күпфатирлы йортларда да, шәхси секторларда да янгыннар һәм сөрем газы белән агулану очраклары теркәлгән. Рөстәм Миңнеханов Татарстан Республикасында газ җиһазларын имин эксплуатацияләүне контрольдә тотуны көчәйтергә кушты.

Үзебезне һәм якыннарыбызны саклау өчен, сезне гади, әмма тормыш өчен кирәкле куркынычсызлык кагыйдәләрен үтәргә чакырабыз.