Хөрмәтле нурлатлылар!

2026 елның 4 феврале, чәршәмбе

Халыкның санитар-эпидемиологик иминлеген һәм гражданнарның иминлеген тәэмин итү максатларында 2026 елның 04 февраленнән алып 17 февральгә кадәр Нурлат шәһәре территориясендә хуҗасыз этләрне аулау үткәреләчәк.

Түбәндәге төргә кергән этләрне аулаячаклар:

хуҗасыннан башка урамда йөргән этләр;

үзен агрессив тоткан этләр.

Йорт этләре хуҗаларына түбәндәге кагыйдәләрне катгый рәвештә үтәү киңәш ителә:

урамда этләр хуҗасы белән бергә генә йөрергә тиеш, муенчакта һәм борынчыкларда гына йөртү кирәк (закон буенча моны таләп итә торган токымнар өчен);

этне урамга чыгарып җибәрмәскә;

этләрне шәхси йортның киртәләнгән территориясендә яки бәйдә асрарга.

Иң мөһиме! Урамда хуҗасыз булган эт караучысыз дип танылачак һәм тотылырга тиеш.