«Бөек Җиңү музыкасы»
«Яшьләр һәм балалар» илкүләм проектын гамәлгә ашыру кысаларында Нурлат шәһәре Мәдәният Сараенда 8-11 сыйныф укучылары өчен Габдулла Тукай исемендәге Татарстан Республикасы Дәүләт филармониясенең «Бөек Җиңү музыкасы» дип исемләнгән джаз-концерты узды. Укучылар билетларны "Пушкин картасы" ярдәмендә алдылар.
Балаларга Бөек Җиңүнең 80 еллыгына, Россия Федерациясендә һәм Татарстан Республикасында игълан ителгән Ватанны саклаучылар елына багышланган кызыктыргыч музыкаль программа тәкъдим ителде. Балалар 1941-1945 еллардагы Бөек Ватан сугышының авыр елларында һәм Ватаныбызны сугыштан соң торгызу чорында Кызыл Армия сугышчыларының һәм командирларының, тыл хезмәтчәннәренең рухын күтәргән легендар музыкаль әсәрләр белән танышты. Бертуган Покрассларның “Өч танкист" җыры, В.Соловьев-Седойның “Потому что мы пилоты”, М. Блантерның “Песня военкоров”, М. Исаковскийның “Огонек" һәм Җиңүнең башка җырлары яңгырады. Концертны барлыгы 600гә якын укучы тыңлады.
Концерттан соң укучылар җанлы оркестр музыкасын тыңлаудан алган якты тәэсирләре һәм уңай хис-кичерешләре белән уртаклаштылар. Мәгариф идарәсе методисты Т.А.Апполонова, яхшы музыка һәм сугыш һәм сугыштан соңгы еллардагы онытылмас хитлардан ләззәт алуын гына түгел, бәлки балаларның чын мәгънәсендә бөек җырлар белән чын-чынлап кызыксынуын да күреп шатлануын билгеләп үтте.