«ДоброГрани» өлкән яшьтәге волонтерларны берләштерә
«Гаилә» илкүләм проекты ярдәмендә Россиядә «Актив озын гомер» программасы үсештә: 14,3 млн өлкән яшьтәге кеше белем бирү курсларында, иҗат һәм спорт клубларында катнаша, «көмеш» волонтер була.
Шундый проектларның берсе Нурлат шәһәрендә «Грани» мәдәни - ял үзәге базасында гамәлгә ашырыла.
2025 елның мартыннан "ДоброГрани” волонтерлар төркеме сафларында СВО волонтерлары офисында һәм өйдә ДХР хәрби госпитальләре өчен бәйләү чаралары әзерләүче көмеш чор волонтерлары эшли.
2025 елның ноябрендә «ДоброГрани»ның көмеш волонтерлары өчен 55+ «Биюче өлкәннәр» сыгылмалы биюләр белән шөгыльләнүче коллективы төзелде. Безнең көмеш волонтерларыбыз рәхәтләнеп бииләр, аралашалар, биергә теләгән күптәнге хыялларын тормышка ашыралар.
Хәзерге вакытта «Биюче әбиләр» коллективы «Грани» мәдәни — ял үзәге сәхнәсендә төрле чараларда бию номерлары белән чыгыш ясый.
Киләчәктә дә район һәм республика проектларында катнашырга планлаштыра. Иң якыннары-февральдә «Күрше» фестиваленең патриотик чарасында һәм «Балкыш» үзешчән коллективларның ветераннар арасында уздырылган республика фестиваленең муниципаль этабында «Катюша» патриотик биюе белән катнашу.
Без актив ветераннарыбыз белән горурланабыз, аларның актив тормыш рәвешен кертергә омтылуларын хуплыйбыз һәм чын күңелдән сәламәтлек, күңел күтәренкелеге һәм илһам телибез!
Волонтерлык «Яшьләр һәм балалар» илкүләм проектының «Без бергә» федераль проектына ярдәм йөзеннән гамәлгә ашырыла.