«Доверенный контакт» — аккаунтны саклау функциясе
«Ышанычлы контакт» - “Дәүләт хезмәтләре" аккаунтын мошенниклардан саклау функциясе. Ышанычлы контакт шәхси кабинетка керү мөмкинлеген алмый һәм кулланучы исеменнән бернинди гамәлләр дә башкара алмый.
Ышанычлы контактның роле — бик мөһим вакытта ярдәм итү: кулланучы аккаунттан парольне үзгәртергә карар кылганда, нәкъ менә аңа өстәмә раслау коды киләчәк. Ышанычлы контакт кулланучы исеменнән мошенниклар эшләвен аңласа, операцияне раслый яки кире кага алачак.
Функцияне тоташтыру өчен, түбәндәгеләрне эшләү кирәк:
- Шәхси кабинетка "дәүләт хезмәтләре" белән керергә.
- «Куркынычсызлык» бүлегендә «Ышанычлы контакт» опциясен табарга һәм «өстәргә» сүзенә басарга.
- Кешенең исемен (паспортындагы кебек үк, атасының исеме һәм фамилиясеннән башка) һәм «дәүләт хезмәтләре»нә бәйләнгән кәрәзле телефон номерын күрсәтергә.
- Ышанычлы контактның шәхси кабинетында чагылачак чакыру җибәрергә. Чакыруны кабул итүгә чикләнгән вакыт бирелә.
- Әгәр чакыру кабул ителсә, ышанычлы элемтә турындагы мәгълүматлар кулланучы профилендә пәйда булачак, һәм хәзер аккаунтка керү мөмкинлеге торгызылганда раслау өчен СМС-код башта аңа киләчәк.
Барыгыздан да әлеге функциягә аерым игътибар бирүегезне һәм аны мошенниклардан саклану өчен тоташтыруыгызны сорыйбыз!