«Күңелле кышкы уеннар»: Нурлат китапханәчеләре балалар белән кышкы уеннар оештырды

2026 елның 12 гыйнвары, дүшәмбе

Нурлатта «Татарстанда - кыш» республика проекты кысаларында сабыйлар өчен кызыклы чара узды.

Җирлекара үзәк китапханә хезмәткәрләре балалар өчен урамда хәрәкәтчән уеннар һәм «Күңелле кышкы уеннар» дип исемләнгән бәйрәм оештырды.

«Гаилә» скверы вакытлыча зур, шау-шулы һәм шатлыклы уен мәйданчыгына әверелде. Балалар китапханәчеләр әзерләгән кышкы эстафеталарда, команда уеннарында һәм конкурсларда бик теләп катнашты. Бәйрәмнең төп өлеше - дусларча көндәшлек, эчкерсез көлү, саф һавада хәрәкәт итү һәм барлык катнашучыларның кәефе күтәренке булу.