Нурлат гимназиясендә математикадан интенсив практикум узды
Яр Чаллы шәһәренең 79нчы лицее укытучысы Нәсим Шәфыйковның математика буенча дәүләт имтихан комиссиясенең гамәлдәге эксперты сыйфатында катнашуы чараның үзенчәлеге булды.
2026 елның 5 һәм 6 гыйнварында Нурлат гимназиясе базасында шәһәр һәм районның унберенче сыйныф укучылары өчен математикадан интенсив практикум узды. Чарага профиль дәрәҗәсендәге БДИ тапшыруга максатчан әзерләнүче 60 укучы килде.
Дәресләрнең төп фокусы имтиханның икенче өлешендәге иң катлаулы биремнәрне эшләүгә юнәлдерелгән иде. Практикумны абруйлы эксперт, Яр Чаллы шәһәренең 79нчы лицееның югары квалификация категориясе укытучысы, математика буенча дәүләт имтихан комиссиясенең гамәлдәге эксперты Нәсим Рәсим улы Шәфиков үткәрде. Башка шәһәрдән әйдәп баручы белгечне җәлеп итеп, тирәнтен әзерләнүнең мондый форматы Нурлат укучыларына катлаулы темалар эшләргә, сораулар бирергә һәм бердәм дәүләт имтиханын үткәрүнең барлык нечкәлекләрен белгән практиклардан кыйммәтле киңәшләр алырга уникаль мөмкинлек бирде.