#ДоброГрани волонтерлары: игелек эшләүче нурлатлыларның ял көннәре юк
Яңа ел каникуллары – гаиләдә ял итү өчен традицион чор. Әмма «Грани» мәдәни-ял үзәге каршындагы #ДоброГрани хәрәкәте активистлары өчен бу чор кайгырту һәм ярдәм күрсәтү өчен тагын бер мөмкинлек булды.
Бәйрәм көннәре башланганчы ук әзерлек эшләре алып барылган: марля рулоннары заготовкага әверелгән. Материалларның бер өлешен волонтерлар гаилә шартларында стериль бәйләү пакетлары ясау өчен өйләренә алып кайтып әзерләгән.
Һәм менә шушы көннәрдә #ДоброГрани командасы медицина материалларының яңа партиясен җентекләп комплектлау һәм җибәрүгә әзерләү өчен яңадан бергә җыелды. Инициативага проектның башка катнашучылары да кушылды, алар алгы сызыкта бик кирәкле өстәмә гуманитар ярдәм алып килделәр.
"Җыелган ярдәм якын арада «Сугышчан туганлык» һәм «Барысы да җиңү өчен. Нурлат» фонды тарафыннан оештырылган гуманитар ярдәм кабул итү пунктларына җибәреләчәк”, – дип билгеләп үтте “Грани" үзәге директоры Динә Хөҗҗәтова.