Нурлат районының яшь талантлары Татарстанның төп Яңа ел чыршысы бәйрәмендә катнашты
Кичә Нурлат районыннан 40тан артык сәләтле бала Казанда Республика Яңа ел чыршысының тылсымлы тамашасында катнашты.
Масштаблы бәйрәм тамашасы республиканың иң заманча боз сарае – «Татнефть Арена» сәхнәсендә узды. Югары дәрәҗәдәге чарага бару һәм катнашу Татарстан Республикасы Рәисе Рөстәм Миңнеханов ярдәме белән мөмкин булды.
Бу күркәм традиция ел саен республиканың төрле почмакларыннан килгән меңләгән талантлы балаларга – уку отличникларына, олимпиадаларда, спорт ярышларында һәм иҗади конкурсларда җиңүчеләргә – чын кышкы әкият атмосферасына чумарга мөмкинлек бирә. Балалар яраткан геройлары белән театральләштерелгән матур тамаша, матур декорацияләр һәм мавыктыргыч номерлар карады. Аларның күбесе өчен бу сәфәр күптән көтелгән Яңа ел бүләге генә түгел, алдагы казанышларга да этәргеч булды.