Нурлатта эшмәкәрләргә актуаль ярдәм чаралары турында сөйләделәр
Нурлатта район Башлыгы Дамир Ишкинеев кече һәм урта эшмәкәрлек вәкилләре белән очрашты.
Очрашу бүләкләүдән башланды. Дамир Ишкинеев «Бир 5не!» Республика IT-акселераторы финалистларына бүген үк шәһәр тормышына сизелерлек үзгәрешләр кертергә мөмкин булган проектлар өчен Мактау грамоталарын тапшырды. Мактау грамоталарын 1нче мәктәпнең 7 нче сыйныф укучысы Марианна Николаева, 3нче мәктәпнең 10 нчы сыйныф укучысы Данис Закиров, гимназиянең 9 нчы сыйныф укучысы Самина Гатина алды. Шулай ук Бәшир Рәмиев исемендәге IT-паркның Нурлаттагы филиалы укытучысы Рузилә Гатинага да рәхмәт хаты тапшырылды.
Очрашуда төп фикер алышу кече һәм урта бизнеска ярдәм итүнең актуаль чараларына кагылды, алар турында ТР Гарантия фондының Бердәм кредитлау үзәге өлкән икътисадчысы Альбина Матросова җентекләп сөйләде. Шулай ук банк продуктлары һәм салым салуның автоматлаштырылган системалары каралды. Татарстан Республикасы Президенты каршындагы эшмәкәрләр хокукларын яклау буенча вәкаләтле вәкилнең җәмәгать вәкиле Альбина Шабаева район эшмәкәрләре очраша торган мәсьәләләрне һәм проблемаларны җиткерде.
Очрашуга йомгак ясап, район Башлыгы: "Сез һәрвакыт үз проблемаларыгызны җиткерә аласыз. Минем ишекләр сезнең өчен ачык». Дамир Ишкинеев шулай ук махсус операция ветераннарын эшкә урнаштыру мөмкинлеген табуны сорап мөрәҗәгать итте. Очрашу барышында СВО катнашучыларын эшкә урнаштырганда каралган ярдәм чаралары да әйтелде