Нурлатлылар Казанда узган курсларда катнашты
Алынган белемнәр һәм методикалар белгечләргә Нурлат районы территориясендә ял итүне оештыру һәм төзекләндерү проектларын нәтиҗәлерәк гамәлгә ашырырга мөмкинлек бирәчәк.
Нурлат районы вәкилләре «Ишегалды территорияләрен карап тоту һәм вакыйгалы программаларны оештыру» республика уку интенсивында катнашты. Казанда шәһәр хуҗалыгы өлкәсендә компетенцияләрне арттыруга юнәлдерелгән чара узды.
Делегацияне район Башкарма комитеты җитәкчесе Әсгать Габдуллин җитәкләде. Аның составына шулай ук Башкарма комитет хезмәткәрләре һәм идарәче компанияләр җитәкчеләре керде.
Интенсив кысаларында катнашучылар күпфатирлы йорт ишегалды территорияләрен һәм иҗтимагый киңлекләрне төзекләндерү, шәһәр проектларын үстерү, балалар өчен уен мәйданчыклары җиһазларын карап тоту һәм кабул итү кебек берничә юнәлеш буенча актуаль мәсьәләләрне өйрәнде.
Интенсив белем бирү программасы тәмамлангач, барлык катнашучылар да тиешле сертификатлар алдылар