Чирмешән, Нурлат һәм Аксубай районнары арасында мәдәни һәм дустанә элемтәләрне ныгыту
«Гаилә» илкүләм проекты кысаларында Чирмешән авылында Җиңүнең 80 еллыгына һәм Татарстанда Ватанны саклаучылар елына багышланган «Җырлар да көрәште» дип исемләнгән концертлар циклы старт алды. Инициаторы – Татарстан Республикасы Дәүләт Советы депутаты Шамил Яһудин, ә максаты -Чирмешән, Нурлат һәм Аксубай районнары арасында мәдәни һәм дустанә элемтәләрне ныгыту.
Марафонның беренче этабы Чирмешәнгә Нурлаттан чын-чынлап иҗат десанты килү булды -130 дан артык артист бай эчтәлекле патриотик программа: дәртле сугыш җырлары, ачык костюмнарда хореографик куелышлар, лирик һәм драматик номерлар алып барды. Күп кенә композицияләрне зал басып тыңлады-хисләр шулкадәр көчле иде.
Концерттан тыш, нурлатлылар мәдәният йорты фойесында тематик күргәзмә оештырды. Анда «Хәрби туганлык» һәм «Барысы да җиңү өчен. Нурлат» фонды активистлары үзләренең волонтерлык эшләре һәм алгы сызыкка барулары турында сөйләделәр, музей экспонатларын һәм фильм күрсәттеләр. Нурлатта танылган һөнәрче Ильяз Гыйльманов (Чекан-бабай) һәм «Маскировочка Нурлат» хәрәкәте вәкилләре дә үз эшчәнлекләре турында сөйләделәр һәм патриотик символикалы продукция тәкъдим иттеләр.
Зал шыгрым тулган иде, ә концерт финалында тамашачыларны алкышлар аякка бастырды - талантлы артистларга чын күңелдән һәм көчле рәхмәт.
Нурлат һәм Чирмешән районнары башлыклары Дамир Ишкинеев һәм Рамил Әйбәтов бу мәдәни алмашуның бердәмлек, тарихка хөрмәт һәм Ватанны саклаучыларга ярдәм символы буларак әһәмиятен ассызыкладылар. Алар чараны әзерләгән һәм оештырган өчен рәхмәт хатлары алдылар.
Киләсе очрашу 26 ноябрьдә планлаштырылган-Нурлат сәхнәсендә Чирмешәннең иҗат коллективлары чыгыш ясаячак.