Югары сыйныф укучылары белән сыйфат темасына әңгәмә үткәрелде
Бөтендөнья сыйфат көне кысаларында Татарстан Республикасы Дәүләт алкоголь инспекциясенең Чистай территориаль органы һәм Татарстан Республикасы буенча Роспотребнадзор Идарәсенең Территориаль бүлеге белгечләре Нурлат шәһәренең «3нче урта гомуми белем бирү мәктәбе» муниципаль автоном учреждениесе укытучысы белән берлектә 8-11 сыйныф укучылары өчен «Куллану турында белемнәрне - мәктәп эскәмиясеннән» темасына багышланган дәрес үткәрде.
Укучыларга ел саен март һәм ноябрь айларында Бөтендөнья кулланучылар хокукларын яклау көне һәм Бөтендөнья сыйфат көне кебек бәйрәмнәр билгеләп үтелүе турында сөйләделәр. Бу чорда халыкның кулланучылар грамоталылыгын арттыру буенча чаралар үткәрелә, бу кулланучылар хокукларын яклауның комплекслы системасын үстерүдә мөһим элемент булып тора.
Кулланучылар хокукларын гамәлгә ашыру өчен укучыларга «Кулланучылар хокукларын яклау турында»гы Законны өйрәнергә, үзләренең куллану культураларын күтәрергә, төрле ситуацияләрдә кая мөрәҗәгать итәргә кирәклеген белергә, сатып алганда грамоталы һәм игътибарлы булырга, үз хокукларын күрсәтүдән курыкмаска кирәк.
Әлеге чарада укучылар гына түгел, сыйныф җитәкчеләре дә катнашты, алар шулай ук сораулар бирделәр, көндәлек тормышта очраша торган конкрет ситуацияләр турында фикер алышуда катнаштылар. Бу дәрескә үзенчәлекле атмосфера бирде, чөнки биредә укытучылар гади кулланучылар ролендә дә чыгыш ясады һәм үз хокукларын дөрес якларга, сыйфатлы продукт, товар һәм хезмәтләрне файдасына дөрес сайлый белергә өйрәнде.
Чара ахырында укучылар арасында анкета һәм викторина үткәрелде. Мөстәкыйль өйрәнү өчен аларга кулланучылар хокукларын яклау өлкәсендә төрле тематикалы материаллар таратылды.
Татарстан Республикасы Дәүләт алкоголь инспекциясенең Чистай территориаль органы