Бөтендөнья сыйфат көнендә Роспотребнадзорның Нурлат бүлеге берничә чара үткәрә
Татарстан Республикасы буенча Роспотребнадзор Идарәсенең Нурлат бүлеге Бөтендөнья сыйфат атналыгында катнаша.
Ел саен ноябрьнең икенче атнасы Бөтендөнья сыйфат атналыгы буларак билгеләп үтелә. Бөтендөнья сыйфат көне - ел саен үткәрелә торган чара, ул ноябрьнең һәр икенче пәнҗешәмбесендә дөньяның күп кенә илләрендә билгеләп үтелә. Бөтендөнья сыйфат көнен үткәрүнең төп максаты - дөньяда җитештерелә торган продукциянең, күрсәтелә торган хезмәтләрнең сыйфатын күтәрү, шулай ук барлык проблемаларны хәл итү.
2025 елда сыйфат атналыгы «Россия - сыйфат билгесе булган ил» девизы астында уза.
Сыйфат - Россиянең көчле икътисадының һәм аның гражданнарының чәчәк атуының нигезе ул. Ул кешеләрнең иминлегенә ирешүгә ярдәм итеп кенә калмый, ә бәлки аларның үз-үзләрен тормышка ашыру һәм талантларын ачу өчен шартлар тудырырга да мөмкинлек бирә. Мондый мохиттә яшәү һәм эшләү – үсеш һәм үзгәреш өчен яңа мөмкинлекләргә ия булу дигән сүз. Товарларның, хезмәтләрнең, процессларның югары сыйфаты бүген инде хәзерге Россиянең символына әверелде, аның дәүләт сәясәте ил эчендә үзебезнең продукциягә ышанычны ныгытуга һәм халыкара аренада аның абруен күтәрүгә юнәлдерелгән. Россиядә сыйфат көне тормыш сыйфатының төп өлешләренә: әйләнә-тирә мохиткә, социаль өлкәгә, сәламәтлек саклауга, гаилә кыйммәтләренә һәм традицияләренә игътибарны җәлеп итәргә һәм үзебезнең ил товарларын җитештерүчеләрнең, хезмәт күрсәтү өлкәсе, сәүдә челтәрләре вәкилләренең һәм кулланучыларның ачык әңгәмә мәйданчыгына әверелергә тиеш.
Кулланучының товарларның, эшләрнең яки хезмәтләрнең сыйфатына һәм куркынычсызлыгына хокукы «Кулланучылар хокукларын яклау турында» 1992 елның 7 декабрендәге 2300-1 номерлы РФ Законының 4 һәм 7 статьяларында регламентланган. Моннан тыш, товарларның, эшләрнең (хезмәтләрнең) сыйфатына һәм куркынычсызлыгына карата таләпләр Таможня берлегенең Россия Федерациясе территориясендә кулланылырга тиешле техник регламентларында да бар.
Әйтик, Татарстан Республикасы буенча Роспотребнадзор Идарәсенең Нурлат бүлеге эшендә тормыш сыйфатының төп критерийлары буларак кешеләр иминлеге һәм әйләнә-тирә мохит мәсьәләләренә, дәүләт контроленә һәм Таможня берлегенең техник регламентларын үтәүгә күзәтчелеккә зур игътибар бирелә.
Бүген югары сыйфатны тәэмин итеп, без көчле һәм чәчәк атучы илнең — сыйфат билгесе белән икътисадый яктан үскән һәм технологик яктан суверен илнең нигезен төзибез.
Бөтендөнья сыйфат атналыгы 10 ноябрьдән 16 ноябрьгә кадәр, сыйфат көне 13 ноябрьгә туры килә. Шуңа бәйле рәвештә, Нурлат бүлеге халык арасында республиканың кулланучылар базарында продукциянең сыйфаты һәм күрсәтелә торган хезмәтләр проблемасына игътибарны җәлеп итү максатыннан киң колачлы белем арттыру эшен уздыруны планлаштыра.
Нурлат бүлеге белгечләре Татарстан Республикасы буенча Дәүләт алкоголь инспекциясе, «Гигиена һәм эпидемиология үзәге» белгечләре белән берлектә 2025 елның 10 ноябреннән 20 ноябренә кадәр кулланучылар базары өлкәсендә эшчәнлек алып баручы оешмалар, кулланучылар һәм эшмәкәрләр белән очрашулар, «кайнар линия» оештыралар, укучылар, студентлар, халыкның социаль яктан зәгыйфь катламнары, хезмәт коллективлары өчен лекцияләр үткәрәләр. Кулланучылар хокукларын яклау өлкәсендәге законнар мәсьәләләре буенча халыкка ай саен мәгълүмат бирәләр, шул исәптән массакүләм мәгълүмат чаралары (матбугат, телевидение, электрон массакүләм мәгълүмат чаралары) аша товарларны идентификацияләү чаралары белән маркировкалау мәсьәләләре буенча.
Продукциянең сыйфаты мәсьәләләре буенча язма мөрәҗәгать итеп, Нурлат шәһәренең территориаль бүлеге (Нурлат шәһәре, Мәктәп ур., 10 йорт) аша Роспотребнадзорның Татарстан Республикасы буенча идарәсенә мөрәҗәгать итәргә яисә электрон хәбәр рәвешендә мөрәҗәгать җибәрергә мөмкин. Электрон хәбәрләр рәвешендәге мөрәҗәгатьләр гражданнар мөрәҗәгатьләрен бирү өчен Роспотребнадзорның Татарстан Республикасы буенча (Татарстан) бердәм порталында махсус электрон форма тутыру юлы белән җибәрелә, ул Роспотребнадзорның рәсми сайтында «Гражданнар өчен» бүлегендә, «Гражданнар мөрәҗәгатьләре» бүлекчәсендә урнаштырылган.
Консультатив ярдәм алу максатында кулланучылар (8-84345) 2-05-38 телефоны буенча эш көннәрендә сәгать 8.00дән 17.00 сәгатькә кадәр мөрәҗәгать итә алалар., җомга көнне сәгать 8.00дән 15.45кә кадәр., сәгать 12.00дән 13.00 сәгатькә кадәр тәнәфес.
Консультацияләр һәм хокукый ярдәм алу өчен кулланучылар "Татарстан Республикасы Нурлат районындагы гигиена һәм эпидемиология үзәге”нең консультация пунктына мөрәҗәгать итә алалар.
КФҮ базаларында Нурлат ТО, «Нурлат районында гигиена һәм эпидемиология үзәге» ФБУЗ кулланучылар өчен консультация пункты белгечләре тарафыннан гражданнарга кулланучылар хокукларын яклау мәсьәләләре буенча расланган эш графигы нигезендә түләүсез консультация ярдәме күрсәтү оештырылды.
Сыйфат турында сөйләгез, сыйфат өчен рәхмәт әйтегез, тормышыгызны сыйфатлы итегез!
Татарстан Республикасы буенча Роспотребнадзорның Нурлат ТОсы эксперты - баш белгече А. М. Әбделганиева