Нурлат районында юл хәрәкәте иминлеген тәэмин итү комиссиясенең кабаттан чираттан тыш утырышы узды
Бүген, 12 ноябрьдә, Нурлат районының Юл хәрәкәте иминлеген тәэмин итү буенча муниципаль комиссиянең чираттан тыш утырышы узды.
Ул район Башкарма комитеты җитәкчесе Әсгать Габдуллин җитәкчелегендә үтте. Көн тәртибенең төп пункты үлем белән тәмамланган фаҗигале юл-транспорт һәлакәте булды.
Исегезгә төшерәбез, авария 8 ноябрьдә Мамык авылында булган. Машина йөртүче җәяүлене бәрдергән, ул тәүлекнең караңгы вакытында киемендә яктылыкны кире кайтара торган элементларсыз хәрәкәт итүче автомобиль каршына җәяүлеләр кичүеннән тыш юлның машина йөрү өлешенә йөгереп чыккан. Һәлакәт нәтиҗәсендә җәяүле алган җәрәхәтләрдән һәлакәт урынында вафат була.
Вакыйга турында доклад белән Россия Эчке эшләр министрлыгының Нурлат районы буенча ЮХИДИ идарәсе башлыгы Олег Анжаков чыгыш ясады. Ул юл-транспорт һәлакәтен тикшерүнең барышы турында комиссиягә җентекләп мәгълүмат бирде.
Медицина хезмәткәрләренең һәлакәт урынында үлү фактын раслаулары турында утырышта катнашучыларга Нурлат үзәк район хастаханәсе баш табибы урынбасары Илшат Сатдаров сөйләде.
Көн тәртибе кысаларында комиссия райондагы аварияләргә йогынты ясый торган башка мөһим мәсьәләләрне дә карады. Утырыш йомгаклары буенча комиссия әгъзалары киләчәктә мондый фаҗигаләрне булдырмауга һәм Нурлат районы юлларында куркынычсызлыкны арттыруга юнәлдерелгән бурычлар формалаштырды.