Нурлатлылар кышкы "Күрше" конкурсына әзерләнә: Башкарма комитетта катнашу турында фикер алыштылар

2025 елның 7 ноябре, җомга

Нурлат районы Башкарма комитетында кышкы «Күрше» фестиваленә әзерлек буенча эшлекле киңәшмә узды.

Татарстан рәисе Рөстәм Миңнехановның җәйге формат традициясен дәвам итү инициативасы һәрьяклы хуплау тапты.

Киңәшмәдә катнашучылар район халкын күршелек мөнәсәбәтләрен ныгытуга, онытылган ишегалды уеннарын торгызуга һәм милли бизәкләрне саклауга юнәлдерелгән проектка җәлеп итү планы турында җентекләп фикер алыштылар. Киңәшмәне Башкарма комитет җитәкчесенең социаль мәсьәләләр буенча урынбасары вазыйфаларын башкаручы Әлфия Галәүтдинова үткәрде.